ចាប់ខ្លួនអ្នកផលិតមាតិកា តាមបណ្ដាញសង្គមហ្វេសប៊ុកម្នាក់ក្លែងបន្ន្លំអត្ដសញ្ញាណរបស់ឯកឧត្ដម អភិសន្ដិបណ្ឌិត ស សុខា

ថ្ងៃចេញផ្សាយៈ December 17, 2023

នាយកដ្ឋានប្រឆាំងបទល្មេីសបច្ចេកវិទ្យា
កាលពីថ្ងៃទី១៦ ខែធ្នូ ឆ្នាំ២០២៣ បានអញ្ជេីញបុគ្គលម្នាក់ឈ្មោះ ហោ វិចិត្រ ដេីម្បីមកសាកសួរបំភ្លឺ បន្ទាប់ពីរកឃេីញថា បុគ្គលរូបនេះបានយកឈ្មោះ ឯកឧត្ដម អភិសន្ដិបណ្ឌិត ស សុខា និងថ្នាក់ដឹកនាំផ្សេងទៀត ទៅបង្កេីតជាក្រុមនៅលេីបណ្ដាញសង្គមហ្វេសប៊ុកដោយគ្មានការអនុញ្ញាត និងបានចែករំលែកមាតិកាផ្សេងៗ ដែលប៉ះពាល់ដល់សន្តិសុខជាតិ និងកិត្តិយសថ្នាក់ដឹកនាំដែលអាចធ្វេីអោយមានការភាន់ច្រឡំពីសំណាក់មហាជន។ ក្រោយពីការសួរបញ្ជាក់បុគ្គលឈ្មោះ ហោ វិចិត្រ បានសារភាពទទួលស្គាល់កំហុស សន្យាកែខ្លួនមិនអោយកើតឡើងពេលក្រោយទៀតឡើយ និងបានធ្វើលិខិតសុំអភ័យទោសជាសាធារណះ៕