សត្វក្របីវ័ធមនុស្សម្នាក់បណ្តាលអោយរងរបួសធ្ងន់ ពេលកំពុងបើកបរម៉ូតូ នៅក្នុងក្រុងខេមរភូមិន្ទ…
ថ្ងៃចេញផ្សាយៈ October 14, 2023
ខេត្តកោះកុង ៖ នៅវេលាម៉ោង ១៥និង១០នាទីសៀល ថ្ងៃទិ១៣ ខែតុលា ឆ្មាំ២០២៣នេះ មានករណីសត្វក្របីវ័ធមនុស្សម្នាក់បណ្តាលអោយរងរបួសធ្ងន់ ពេលកំពុងបើកបរម៉ូតូ នៅចំណុចជិតសាលាគួយវ៉េតស្ថិតក្នុងភូមិស្ទឹងវែង សង្កាត់ស្ទឹងវែង ក្រុងខេមរភូមិន្ទ ខេត្តកោះកុង។
ជនរងគ្រោះឈ្មោះគង់ ហៀត ភេទប្រុស អាយុ៥៥ឆ្នាំ មុខរបរនៅផ្ទះ មានទីលំនៅភូមិស្ទឹងវែង សង្កាត់ស្ទឹងវែង បើកបរម៉ូតូម៉ាកហុងដាពណ៌ខ្មៅពាក់ស្លាកលេខកោះកុង 1C-1332 លុះមកដល់ចំណុចកើតហេតុខាងលើស្រាប់តែក្របីបានវ័ធជនរងគ្រោះតែម្ដង។
បច្ចុប្បន្នជនរងគ្រោះត្រូវបានបញ្ជូនមកមន្ទីរពេទ្យដើម្បីព្យាបាល៕