កូនភ្លោះ៣នាក់កើតក្នុងគ្រួសារកសិករជួបការលំបាក់ត្រូវបានទទួលអំណោយពីសាខាកាកបាទក្រហមកម្ពុជាខេត្តបន្ទាយមានជ័យ បន្ទាយមានជ័យ៖កូនភ្លោះ៣នាក់កើតក្នុងគ្រួសារកសិករជួបការលំបាក់ត្រូវបានទទួលអំណោយពីសាខាកាកបាទក្រហមកម្ពុជាខេត្តបន្ទាយមានជ័យកាលពីថ្ងៃទី០៧ ខែកក្តដា ឆ្នាំ២០២៣ស្ថិតភូមិកក់ ឃុំជប់វ៉ារី ស្រុកព្រៈនេត្រព្រៈ។ ក្នុងឱកាសដែលនាំយកអំណោយប្រគល់ជូនមានឯកឧត្តម អ៊ុំ រាត្រី អភិបាលខេត្តបន្ទាយមានជ័យ ប្រធានគណកម្មាធិការសាខាកាកបាទក្រហមកម្ពុជាខេត្តបន្ទាយមានជ័យ និងលោកជំទាវ ជ័យ ណារី អនុប្រធានកាកបាទក្រហមកម្ពុជាខេត្តបន្ទាយមានជ័យនិងក្រុមការងារ។ ឯកឧត្តម អ៊ុំ រាត្រី បានប្រាប់ថា៖កូន៣នាក់ដែលកើតក្នុងត្រកូនប្រជាកសិករមានឪពុកឈ្មោះ ប៊ិន សាវឿន អាយុ៣៦ឆ្នាំ(មុខរបបកសិករ) និងម្តាយឈ្មោះ ជីវ ធុច អាយុ៣៥ឆ្នាំ (មេផ្ទៈ)ដែលមានបន្ទុកក្នុងគ្រួសារចំនួន៦នាក់ក្នុងនោះមានកូនភ្លោះ៣នាក់ដែលជាកូនទី៤មានស្រី១នាក់ ប្រុស២នាក់ដែលទើបកើតកាលពីថ្ងៃទី០៣ ខែកក្តដា ឆ្នាំ២០២៣នៅមន្ទីពេទ្យគន្ធបុប្តាខេត្តសៀមរាប។ ឯកឧត្តមបានបញ្ជាក់ថា៖កូនភ្លោះ៣នាក់ដែលកើតបានជិត១សប្តាហ៍មាន១.ឈ្មោះ ធុច សិរី ភេទស្រី ទម្ងន់២,២គីឡូក្រាម ២.ឈ្មោះ ធុច មង្គល ភេទប្រុសទម្ងន់២គីឡូក្រាម ៣.ឈ្មោះ ធុច សួរស្តី ភេទប្រុសទម្ងន់២គីឡូក្រាមកូនភ្លោះទាំងបីក្រោយកើតគឺមានសុខភាពល្អ។ ឯកឧត្តម អ៊ុំ រាត្រី បានបញ្ជាក់ថា៖ក្រោយទទួលព័ត៌មានបានដឹងបាននាំក្រុមការងារសាខាកាកបាទក្រហមកម្ពុជាខេត្តបន្ទាយមានជ័យ ដើម្បីយកអំណោយសាខាកាកបាទក្រហមកម្ពុជាមកប្រគល់ជូននេះជាការយកចិត្តទុកចំពោះប្រមុខរាជរដ្ឋាភិបាលកម្ពុជាដែលមានសម្តេចតេជោ ហ៊ុន សែន នាយករដ្ឋមន្ត្រី នៃព្រៈរាជាណាចក្រកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា ចំពោះបងប្រជាពលរដ្ឋដែលមានការខ្វៈខាតនិងជួបការលំបាកដូចគ្រួសារកូនភ្លោះ៣នាក់មានទាយិការ១នាក់ និងទារក២នាក់ដែលត្រូវបានទទួលអំណោយមានសម្ភារៈប្រើប្រាស់ និងទឹកដោះគោ និងគ្រឿងបរិភោគសម្រាប់ផ្គន់ផ្គង់គ្រួសារ៕