ខេត្តបន្ទាយមានជ័យ៖ឃាត់ខ្លួនជនសង្ស័យ២នាក់ក្នុងចំណោមបក្ខពួកឃាត់មុន៦នាក់ដែលធ្វើសកម្មភាពកាប់ទៅលើជនរងគ្រោះ២នាក់ម្នាក់របួសធ្ងន់បញ្ជូនទៅមន្ទីពេទ្យបានស្លាប់ត្រូវបានបញ្ជូនទៅសាលាដំបូងខេត្តបន្ទាយមានជ័យនៅថ្ងៃទី០១ ខែមិថុនា ឆ្នាំ២០២៣។

លោកវរៈសេនីយ៍ឯក សៅ សារឿន អធិការនគរបាលក្រុងប៉ោយប៉ែតបានប្រាប់ថា៖កាលពីយប់ទាបភ្លឺចូលថ្ងៃទី១១ ខែឧសភា ឆ្នាំ២០២៣តាមផ្លូវនៅចំណុចស្តង់អេតចាយយាយម៉ៅស្ថិតភូមិ.សង្កាត់ផ្សារកណ្តាល ក្រុងប៉ោយប៉ែត មានករណីជនសង្ស័យ១ក្រុមមានគ្នា៦នាក់ជិៈម៉ូតូ២គ្រឿងមានកាំបិងខ្វែវចំនួន២ដើមនិងប៉័ងតោ១បានធ្វើសកម្មភាពកាប់ទៅលើជនរងគ្រោះម្នាក់បណ្តាលរបួសធ្ងន់ក្រោយបញ្ជូនទៅកាន់មន្ទីពេទ្យបណ្តាលស្លាប់បាត់បង់ជីវិត។

លោកបានបញ្ជាក់ថា៖ក្រោយពីមានករណីជនល្មើស១ក្រុមកាប់ទៅលើជនរងគ្រោះបណ្តាលស្លាប់ជាការណែនាំពីលោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ ហើយកម្លាំងនគរបាលក្រុងប៉ោយប៉ែតបានធ្វើការស្រាវជ្រាវនិងកំណត់មុខសញ្ញាឃាត់ជនសង្ស័យនិងបក្ខពួកបានចំនួន៦នាក់កាលពីប៉ុន្មានថ្ងៃមុនហើយកម្លាំងបានបន្តស្រាវជ្រាវឃាត់ជាបន្តបន្ទាប់បាន២នាក់នៅថ្ងៃទី៣១ ខែឧសភា ឆ្នាំ២០២៣នៅភូមិ.សង្កាត់អូរឫស្សី ក្រុងប៉ោយប៉ែត ខេត្តបន្ទាយមានជ័យ។

លោកវរៈសេនីយ៍ឯក សៅ សារឿន បានបញ្ជាក់ថា៖ករណីឃាតកម្មកាប់ទៅលើជនរងគ្រោះម្នាក់បណ្តាលស្លាប់ក្រោយបញ្ជូនទៅកាន់មន្ទីពេទ្យ ហើយកម្លាំងបានធ្វើការស្រាវជ្រាវឃាត់ជាបន្តបន្ទាប់បក្ខពួកបានចំនួន៨នាក់ត្រូវបានបញ្ជូនទៅសាលាដំបុងខេត្តបន្ទាយមានជ័យដើម្បីចាត់ការតាមច្បាប់៕