ខេត្តត្បូងឃ្មុំ ៖សង្វែកណាស់មនុស្សចំនួន០៤នាក់បានស្លា.ប់ និងរងរបួសបាក់ដៃជើងម្នាក់ នៅក្នុងឧបបតិហេតុគ្រោះថ្នាក់ចរាចរណ៍ដ៏រន្ធ.ត់មួយ រវាងរថយន្តធុនធំជាមួយម៉ូតូ កាលពីវេលាម៉ោង១១និង៣០នាទីព្រឹកថ្ងៃទី០៤ ធ្នូ នៅលើកំណាត់ផ្លូវជាតិលេខ១១ ស្ថិតនៅចំណុចកែងច្រមុះជ្រូក ភូមិ៧៣ ឃុំទួលសូភី ស្រុកអូររាំងឪ។ρ

សេចក្ដីរាយការណ៍បានឱ្យដឹងថា៖ ឧប្បតិហេតុគ្រោះថ្នាក់ចរាចរណ៍នេះបង្កឡើង រវាងរថយន្តធុនធ្ងន់វេអងម៉ាកហាន់ដាយ ពាក់ផ្លាកលេខកំពង់ចាម 3A.5992 អ្នកបើកបានរត់គេចខ្លួនបាត់ស្រមោលក្រោយបង្កគ្រោះថ្នាក់។ រថយន្តយក្សនេះ បានជ្រុលចង្កូតទៅបុកម៉ូតូជនរងគ្រោះ ម៉ាកឃ្លីក ពាក់ផ្លាកលេខភ្នំពេញ 1HQ-0350 ដែលកំពុងធ្វើដំណើរផ្ទុយគ្នាពីទិសខាងត្បូងទៅជើង ដែលអ្នករួមដំណើរលក្ខណៈគ្រួសារមានប្តីប្រពន្ធនិងកូនតូចៗ ចំនួន០៥នាក់ ហើយបានស្លា.ប់ចំនួន៤នាក់យ៉ាងរន្ធត់នៅកន្លែងកើតហេតុ នៅសល់តែកូនស្រីតូចពៅរងរបួសធ្ងន់បាក់ដៃជើងនិងត្រង់ក្បាល ភ្លាមៗត្រូវបញ្ជូនទៅពេទ្យគន្ធបុប្ផានៅរាជធានីភ្នំពេញ។

ចំណែកជនរងគ្រោះជាប្តីមានឈ្មោះ រឿន រឺន ភេទប្រុស អាយុ៣៨ឆ្នាំ មុខរបរ កម្មករសំណង់ នៅភូមិមេលោង ឃុំព្រៃស្នៀត ស្រុកពារាំង ខេត្តព្រៃវែង បានស្លា.ប់ភ្លាមៗ, ជនរងគ្រោះជាប្រពន្ធមានឈ្មោះ គិន ស៊ីន ភេទស្រី អាយុ៣៦ឆ្នាំ នៅភូមិស្លាបក្តោង ឃុំជប់ ស្រុកត្បូងឃ្មុំ ខេត្តត្បូងឃ្មុំ បានស្លា.ប់ភ្លាមៗ, កូនបងមានឈ្មោះ រឿន ស៊ីណេត ភេទស្រី អាយុ១០ឆ្នាំ បានស្លា.ប់ភ្លាមៗ, កូនបន្ទាប់មានឈ្មោះ រឿន លីហេង ភេទប្រុស អាយុ ៦ឆ្នាំ បានស្លា.ប់ភ្លាមៗ, និងកូនពៅមានឈ្មោះ រឿន សុខណៃ ភេទស្រី អាយុ២ឆ្នាំ រងរបួសធ្ងន់ បាក់ដៃជើង និងត្រង់ក្បាល អ្នកទាំង៥នាក់នេះបច្ចុប្បន្នរស់នៅភូមិមេលោង ឃុំព្រៃស្នៀត ស្រុកពារាំង ខេត្តព្រៃវែង ថ្ងៃកើតហេតុដោយជនរងគ្រោះជាប្តីឈប់សម្រាកពីការងារ នាំប្រពន្ធកូនតូចៗទៅលេង ឪពុកក្មេកនិងជាជីតា នៅភូមិស្លាបក្តោង ឃុំជប់ ស្រុកត្បូងឃ្មុំ ខេត្តត្បូងឃ្មុំ ស្រាប់តែមកដល់កន្លែងកើតហេតុខាងលើបានជួបគ្រោះថ្នាក់ចរាចរណ៍ដ៍រន្ធត់ទាំងក្រុមគ្រួសារ។

ក្រោយពីកើតហេតុ សមត្ថកិច្ចក្នុងស្រុកអូររាំងឪ បានចុះទៅវាស់វែងកត់កំណត់ហេតុដើម្បីបន្តនីតិវិធីតាមផ្លូវច្បាប់ ចំណែកសាកសពជនរងគ្រោះត្រូវបានទំនាក់ទំនងទៅសាច់ញាតិដើម្បីយកទៅធ្វើបុណ្យតាមប្រពៃណី៕