កូនប្រុសចិត្តតិរិច្ឆាន!ហ៊ានទាញកាំបិតកាប់ម្តាយឱ្យរបួសរយះដៃ១៥ថ្នេរព្រោះខឹងម្តាយស្តីបន្ទោសរឿងដើរផឹកស៊ី !!!

 

មកមកខេត្តកំពត ៖ សមត្ថកិច្ចបានឃាត់ខ្លួនជនសង្ស័យម្នាក់ក្រោយពីប្រើកាំបិតវែងកាប់ម្តាយបង្កើតឱ្យរងរបួសដេរ១៥ថ្នេរព្រោះតែខឹងស្តីបន្ទោសរឿងផឹកស្រា ករណីដ៏ឃោរឃៅ នេះបានកើតឡើង ក្នុងភូមិអង្គ ឃុំត្រពាំងព្រីង ស្រុកទឹកឈូ ខេត្តកំពតកាលពីរសៀលថ្ងៃទី៧ ខែតុលាឆ្នាំ២០២២ ។

លោកវរសេនីយ៍ទោសូ ប៊ុនធឿន អធិការនគរបាលស្រុកទឹកឈូបានឱ្យដឹងថា ស្ត្រីរងគ្រោះឈ្មោះមាន ម៉ៅ អាយុ៦៦ឆ្នាំ។ចំណែកជនសង្ស័យជាកូនប្រុស ឈ្មោះ ហ៊ិន ប៉ឹប អាយុ៣៣ឆ្នាំ។គ្រួសារនេះរស់នៅភូមិឃុំកើតហេតុខាងលើលោកអធិការបានបន្តថា ករណីកូនប្រុសបង្កើតយកកាំបិតកាប់ម្តាយនោះព្រោះតែខឹងរឿងស្តីបន្ទោស។

លោកវរសេនីយ៍ទោបានបន្តទៀតថាអំពើហិង្សានេះបានបណ្តាលឱ្យម្តាយរងរបួសដោយដាច់រយះសរសៃដើមដៃស្តាំដេរចំនួន១៥ថ្នេរ។ក្រោយទទួលដំណឹងភ្លាមៗ កម្លាំងប៉ុស្តិ៍រដ្ឋបាលឃុំត្រពាំងព្រីង សហការជាមួយនគរបាលជំនាញផ្នែកព្រហ្មទណ្ឌស្រុកបានចុះឃាត់ខ្លួនជនសង្ស័យ រួចបញ្ជូនមកអធិការដ្ឋានដើម្បីបន្តនីតិវិធី៕