ប្រភពច្បាស់ការពីខេត្តមណ្ឌលគិរីក្រុមឈ្មួញកំពុងសម្រុកដឹកឈើប្រណិតចេញទៅលក់នៅវៀតណាម….វគ្គ២
ខេត្តមណ្ឌលគិរី៖ មន្ត្រី អង្គការ ក្រៅ រដ្ឋាភិបាល ឃ្លាំ មើល បទល្មើស ព្រៃឈើ នឹងពលរដ្ឋដែលស្រឡាញ់ធនធានធម្មជាតិព្រៃឈើ ក្នុងខេត្តមណ្ឌលគិរី បានសម្ដែងនៅការព្រួយបារម្ភយ៉ាងខ្លាំងចំពោះការបាត់បង់ហិនហោចធនធានធម្មជាតិឈើព្រៃ។ ខណ:ពេលបច្ចុប្បន្ននេះក្រុមឈ្មួញបានគៀងគអ្នកស្រុកអ្នកភូមិឲ្យចូល ព្រៃទៅកាប់ផ្តួលបំផ្លាញដដើមឈើធំៗផ្តួលនៅតំបន់ព្រៃភ្នំ ក្នុងតំបន់ដែនជំរកសត្វព្រៃ រួច អារពុះជ្រៀកឈើ មានទាំងឈើក្រហម និងឈើឃ្លុំដែលមានមុខកាត់ធំៗ រួចធ្វើសកម្មភាពដឹកចេញតាមរថយន្ត ឆ្លងកាត់តាមច្រកទ្វាដាក់ដាំឆ្លងដែនទៅលក់នៅប្រទេសវៀតណាម យយ៉ាងអាណាធិបតេយ្យ គក្រឹកគក្រេងឡើងវិញហើយគ្មានមន្ត្រីជំនាញពាក់ព័ន្ធណាធ្វើការរទប់ស្កាត់បង្ក្រាបឡើយ ឬក៏មន្ត្រីជំនាញពាក់ព័ន្ធទាំងនោះបានទទួលសំណែនសែនព្រេនពីរក្រុមឈ្មួញអស់ហើយ។
ប្រភពបែកធ្លាយពីអ្នកស្និតក្រុមឈ្មួញ បានឱ្យដឹងថា មានបុគ្គលពីរនាក់(១.ឈ្មោះ រិទ្ធ និង ២.ឈ្មោះ ភារម្យ) និងបក្ខពួកជាច្រើននាក់ទៀតកំពុងតែព្ព្យាយាមរត់ការជាថ្នូដឹកឈើដូរលុយ ជាមួយនឹងកម្លាំងជំនាញពាក់ព័ន្ធចេញពី ស្រុកពេជ្រចិន្តាតាមរថយន្ត ធុនដ្រា និង ចេញពីស្រុកកោះញ៉ែក តាមរថយន្តបែនធំៗ តាមច្រកទ្វាដាក់ដាំឆ្លងដែនឆ្ពោះទៅកាន់ប្រទេសវៀតណាម ការដឹកជញ្ជូនឈើចេញននោះមានជារៀងរាល់យប់ ។ក៏ប៉ុន្តែខ្នាតធំមិនទាន់បានដំណើរការដឹកចេញទេព្រោះមានមន្ត្រីជំនាញម្នាក់មិនយល់ព្រមដោយមិនទទួលសំណូក។
ប្រជាពលរដ្ឋនៅក្នុងស្រុកពេជ្រចិន្តានិងស្រុកកោះញែក បន្តលើកឡើងថា ដោយសារតែភាពធូររលុង នឹង មានការឃុបឃិតគ្នាប្រព្រឹត្តអំពើពុករលួយ គឺចូលរួមបើកដៃដើម្បីទទួលបានលាភសក្ការៈផ្ទាល់ខ្លួននៅមន្ត្រីមួយចំនួន កន្លងមកធ្វើអោយក្រុមឈ្មួញដុះស្លែទាំងនេះមានខ្នងបង្អែកដ៏រឹងមាំ ក្នុងនោះក៏មានមន្ត្រីបរិស្ថាន បើកដៃអោយមានការកាប់បំផ្លាញព្រៃឈើ ក្នុងតំបន់ព្រៃភ្នំនិងដែនជម្រកសត្វព្រៃក្នុងស្រុកពេជ្រចិន្តានិងស្រុកកោះញែក ខេត្តមណ្ឌលគិរី។
ជាក់ស្ដែងបើគិតត្រឹមយប់ថ្ងៃទី១១/១២ ខែកក្កដា ឆ្នាំ២០២២ ដោយឈ្មោះ( រិទ្ធ និង ឈ្មោះ ភារម្យ) ខិតខំប្រឹងប្រែងរត់ការអស់រយៈពេលជាងកន្លះខែមកហើយនោះ ទើបអាជីវកម្មដឹកជញ្ជូនបទល្មើសព្រៃឈើរបស់ពួកគេ អាចដឹកឆ្លងដែនឆបានដោយរលូន។
បើតាមប្រភពស្និតនឹងក្រុមឈ្មួញបានអោយដឹងទៀតថា ក្រុមឈ្មួញកំពុងត្រៀមរថយន្តប្រមាណជាង១០ ទៅ២០គ្រឿងដើម្បីសម្រុកដឹកឈើ ប្រភេទផ្ចឹក ស្រឡៅ សុក្រំ និងកកោះ កំពុងត្រូវប៉ាន់ នេះឆ្លងដែនទៅលក់នៅប្រទេសវៀតណាមតាមច្រកទ្វារដាក់ដាំឲ្យអស់ក្នុងរយៈពេលមួយខែនូវឈើដែលគេកាប់ប្រមោលផ្តុំបាន។
ក្នុងករណីនេះបើសិនជាមិនមានកាបើកភ្លើងខៀវពីសំណាក់អាជ្ញាធរ ជាពិសេសមន្ត្រីច្រកទ្វាដាក់ដាំទេនោះ ពិតណាស់ក្រុមឈ្មួញមិនអាចដឹកជញ្ជូនបទល្មើសឆ្លងដែនទៅវៀតណាមបានដូចពេលបច្ចុប្បន្ននេះទេ។
ប្រជាពលរដ្ធ រស់នៅស្រុកពេជ្រចិន្តានិងស្រុកកោះញែក បានសុំណូមពរ លោក ហេម បូណារ៉ែល មេបញ្ជាការកងរាជអាវុធហត្ថខេត្តមណ្ឌលគិរី និងលោក ថង សាវុន អភិបាលនៃគណៈអភិបាលខេត្តមណ្ឌលគិរី លោកប្រធានមន្ទីរកសិកម្មមណ្ឌលគីរីមិន គូរ ណាបណ្តែតបណ្ដោយ ឲ្យ ឈ្មួញ ទាំងនោះ ដឹក ជញ្ជួន ឈើឆ្លងដែនទៅ លក់នៅប្រទេសវៀតណាមដោយ សេរី គ្មាន ការទប់ស្កាត់ ពី សំណាក់ មេព្រៃ ក៏ដូចជាមន្ត្រីបរិស្ថាននឹងកម្លាំងជំនាញពាក់ព័ន្ធនោះទេ ។
ពិតណាស់ជាសេចក្តីរាយការណ៌មួយជូនទៅដល់ថ្នាក់ក្រសួងបរិស្ថានដែលដឹកនាំដោយ ឯកឧត្តម សាយ សំអាល ឯកឧត្តម វេង សុខុន ជារដ្ឋមន្ត្រីក្រសួងកសិកម្ម និង ឯឧត្តម សៅ សុខា មេបញ្ជាការកងរាជអាវុធហត្ថលើផ្ទៃគួរណាស់ដាក់វិធានការឲ្យបានតឹងតែងដល់មន្ត្រីថ្នាក់ក្រោមឲរក្សាការពារ សម្បត្តិធនធានធម្មជាតិព្រៃភ្នំ ឱ្យនៅគង់វង្ស ផង ។ការចុះផ្សាយខខាងលើនេះជាព័ត៌មានពិតដល់ឯកឧត្តម យ៉ាងមុតមាំថា ឯកឧត្តមនិងចាត់កម្លាំងចុះមកបើកការស៊ើបអង្កេតនឹងចាត់វិធានការផ្លូវច្បាប់ទៅលើក្រុមឈ្មួញទាំងនេះផងទាន៕អ
ង្គភាពយើងខ្ញុំរង់ចាំទទួលនូវការបកស្រាយបំភ្លឺពីភាគីដែលពាក់ព័ន្ធក្នុងរឿងនេះរាល់ម៉ោងធ្វើការ…..!