មួយ​រយៈពេល​កន្លងមក​ក៏ដូចពេលបច្ចុប្បន្នថ្មីៗ​នេះ​ក្រុម​ឈ្មួញ​ធំៗ នៅ​តែ​ធ្វើ​សកម្មភាព បំផ្លិចបំផ្លាញ​ធនធានធម្មជាតិ..!!!

ខេត្ត​មណ្ឌលគិរី​៖ មួយ​រយៈពេល​កន្លងមក​ក៏ដូចពេលបច្ចុប្បន្នថ្មីៗ​នេះ​ក្រុម​ឈ្មួញ​ធំៗ នៅ​តែ​ធ្វើ​សកម្មភាព បំផ្លិចបំផ្លាញ​ធនធានធម្មជាតិ កែនប្រជាពលរដ្ឋ​ឲ្យចូល ព្រៃ​ទៅ​កាប់​បំផ្លាញ​ដើមឈើ​ធំៗក្នុងតំបន់​ព្រៃភ្នំ តំបន់​ដែន​ជំរក​សត្វព្រៃ កាប់ អារ ជ្រៀក​ឈើ មានប្រភេទឈើ​ក្រហម ទៅជាឈើ​ឃ្លុំ​មាន​មុខកាត់​ធំៗ រួច​ធ្វើ​សកម្មភាព​ដឹក​ចេញ​តាម​រថយន្ត ឆ្លងកាត់​តាម​ច្រកទ្វា​ដាក់​ដាំ​ ឆ្លងដែន​ទៅ​លក់​នៅ​ប្រទេស​វៀតណាមយ៉ាង​រលូន មិនដែល​ឃើញ​មានអស់លោក មន្ត្រី​ជំនាញ ឬ​អាជ្ញា​ធរមាន​សមត្ថកិច្ច​ក្នុង​មូលដ្ឋាន​ធ្វើការ​បង្ក្រាប​បាន​ម្តងណា​ឡើយ។ គឺជុំនាញសង្ងំ​ទទួល​លាភសក្ការៈ ស្ងាត់ឈឹងមិនរំខានដល់ពួកអស់លោកទេ។

​ប្រភពស្និទ្ធនឹងឧក្រិដជនបំផ្លាញព្រៃឈើបានបង្ហើបថាខេត្តមណ្ឌលគិរី ជាក់ស្តែងពេលបច្ចុប្បន្ន មាន​បុគ្គល​ពីរ​នាក់
១.​ឈ្មោះ រិទ្ធ
២.​ឈ្មោះ ភារម្យ និង​បក្ខពួក​ជាច្រើន​នាក់​ទៀត​កំពុង​តែ​ រត់ការដោះដូរថ្នូរឈើជាលុយចែកជូនជាលាភសក្ការះដល់មន្ត្រីតាំងពីមូលដ្ឋានភូមិឃុំរហូតដល់ទូទាំងខេត្ត ជាពិសេសស្នាក់ការបរិស្ថានស្រុកកោះញែកនិងមូលដ្ឋានកងរាជអាវុធហត្ថស្រុក កោះញ៉ែក កន្លែងស្តុបឈើនៅមិនឆ្ងាយទេពីកន្លែងជុំនាញ ដែលចូលតាមច្រកក្រោយរ៉បស្នាក់ការបរិស្ថានផ្លូវដីក្រហមខាងស្ដាំដៃតាមផ្លូវការ៉ាស់សាំងចូលទៅក្រុមហ៊ុន(វីដា)ចំងាយប្រហែលជាង២.៥គីឡូម៉ែត្រពីស្នាក់ការនិងមូលដ្ឋានខាងលើមានគំនឈើពាសពេញព្រៃ។ហើយក្រុមឈ្មួញដឹងអនុផលព្រៃឈើចេញបន្តជារៀងរាល់យប់ពីចំណុចនេះ តាម​រថយន្តធុនដ្រានិង រថយន្ត​បែន​ធំៗ តាម​ច្រកទ្វា​ដាក់​ដាំ​ឆ្លងដែន​ឆ្ពោះ​ទៅកាន់​ប្រទេស​វវៀតណា។​

​ប្រជាពលរដ្ឋ​នៅក្នុងស្រុក​កោះ​ញែក បន្ត​លើកឡើង​ថា ដោយ សារ​តែ​ភាព​ធូររលុង នឹង មាន​ការឃុបឃិត​គ្នា​ជាប្រព័ន្ធប្រព្រឹត្ត​អំពើ​ពុករលួយ ទទួលលាភសក្ការៈ រួចបើក​ដៃ​អោយ​ក្រុម​ឈ្មួញ​ដុះ​ស្លែ​ទាំងនេះ​មាន​ខ្នងបង្អែក​ដ៏​រឹងមាំ ក្នុងនោះ​ក៏​មាន​មន្ត្រី​បរិស្ថានដែលមានស្នាក់ការនៅខាងមុខតែម្ដង បើ​កដៃ​អោយមាន​ការកាប់បំផ្លាញ​ព្រៃឈើ ក្នុង​តំបន់​ព្រៃ​ភ្នំ​និង​ដែន​ជម្រក​សត្វព្រៃ​ក្នុង​ស្រុកកោះញ៉ែកខ្លះទៀតនៅស្រុកពេជ្ជតា ខេត្ត​មណ្ឌលគិរី​។​

​ជាក់ស្ដែង​បើ​គិត​ត្រឹម​យប់​ថ្ងៃទី​១១/១២ ខែកក្កដា ឆ្នាំ​២០២២ ដោយ​ឈ្មោះ រិទ្ធ និង ឈ្មោះ ភារម្យ ខិតខំ​ប្រឹងប្រែង​រត់កា​រររដោះជំនាញទាំងអស់ក្នុងខេត្តទើបមេឈ្មួញជនល្មើសបំផ្លាញព្រៃឈើដឹកជញ្ជូន​បទល្មើសរបស់​ពួកគេឆ្លងដែន​ឆ្ឆ្ពោះទៅកាន់៊វៀតណាម​បាន​ដោយ​រលូន​មិនរំខានដល់ជុំនាញសមត្ថកិច្ចឡើយ។​

​ប្រភពបានអោយដឹង​ទៀត​ថា ក្រុម​ឈ្មួញ​កំពុងប្រើរថយន្ត​ប្រមាណ​ជាង១០ទៅ២០​គ្រឿង​ដើម្បី​សម្រុក​ដឹកឈើ ប្រភេទ​ផ្ចឹក ស្រឡៅ សុ​ក្រំ ឈ្លិចនិង​កកោះ កំពុង​ត្រូវប៉ាន់ និង​ដឹក​ឆ្លងដែន​ទៅ​លក់​នៅ​ប្រទេស​វៀតណាម​តាម​ច្រក​ទ្វារ​ដាក់​ដាំ​។​

​ក្នុងករណី​ខាងលើនេះ​បើសិនជា​មិន​មានការទប់ស្កាត់ពី​សំណាក់​អាជ្ញាធរ ជា​ពិសេស​មន្ត្រី​ច្រកទ្វា​ដាក់​ដាំ​ គណៈអភិបាលស្រុកកោញ៉ែក ឯកឧត្តម ថង សាវុធ គណៈអភិបាលខេត្ត លោកឧត្តមសេនីយ៍ត្រី ហេន បូណារ៉ែន មេបញ្ជាការកងរាជអាវុធហត្ថខេត្ត អស់លោកមិនធ្វើការទប់ស្កាត់នោះទេ ពិត​ណាស់​ក្រុម​ឈ្ឈ្មួកាប់អាជ្រៀកដឹកជញ្ជូន​បទល្មើស​ឆ្លងដែន​ទៅទៅវៀតណាដូច​ពេលបច្ចុប្បន្ន​នេះអញ្ចឹង ព្រៃឈើក្នុងតំបន់ខាងលើនឹងរលាយបាត់បងអស់ជាពុំខាន។
អាស្រ័យហេតុនេះ មតិមហាជនកអង្គការសង្គមស៊ីវិលនិងប្រជាពលរដ្ឋសូមស្នើរ ឯកឧត្តម សាយ សំអាល រដ្ឋមន្ត្រីក្រសួងបរិស្ថាន ឯកឧត្តម នាយឧត្តមសេនីយ៍ សៅ សុខា មេបញ្ជាការកងរាជអាវុធហត្ថលើផ្ទៃប្រទេសនិងឯកឧត្តម វេង សុខុន រដ្ឋមន្ត្រីក្រសួងកសិកម្មរុក្ខប្រម៉ាញ់មេត្តាចាត់កម្លាំងអធិការកិច្ចចុះបង្ក្រាបជាបន្ទាន់ផងទានដើម្បីទប់ស្កាត់បទល្មើសដ៏កាចសាហាវបំផ្លាញព្រៃឈើទាំងយប់ទាំងថ្ងៃយ៉ាងអាណាធិបតេយ្យបែបនេះផង បើសង្ឃឹមលើមន្រ្តីថ្នាក់ក្រក្នុងមូលដ្ឋានពិតជារលាយហើយព្រៃឈើ៕នៅមាន(ត)