មេដឹកនាំគណបក្សបៃតង បានប្រកាសអបអរសាទរ “កិច្ចព្រមព្រៀងសន្តិភាព” កម្ពុជា-ថៃ ដែលបានប្រព្រឹត្តិធ្វើនៅប្រទេសម៉ាឡេស៊ី ថ្ងៃទី២៦ ខែតុលា ឆ្នាំ២០២៥ ក្រោមអធិបតីដ៏ខ្ពង់ខ្ពស់ឯកឧត្តម ដូណាល់ ត្រាំ ប្រធានាធិបតីសហរដ្ឋអាមេរិក និងឯកឧត្តម អាន់វ៉ា អ៊ីប្រាហ៊ីម នាយករដ្ឋមន្ត្រី នៃប្រទេសម៉ាឡេស៊ី និងជាប្រធានអាស៊ាន។

ឯកឧត្តម​ ខុន​ ចាន់នី​ ប្រធានគណបក្សបៃតង​ បានមានប្រសាសន៍ថា​ ៖​ ព្រឹត្តិការណ៍ប្រវត្តិសាស្ត្រនៅប្រទេសម៉ាឡេស៊ីដែលមានការកិច្ចព្រមព្រៀងសន្តិភាពកម្ពុជា-ថៃ​ ថ្ងៃទី២៦ ខែតុលា ឆ្នាំ២០២៥ ក្រោមអធិបតីដ៏ខ្ពង់ខ្ពស់ឯកឧត្តម ដូណាល់ ត្រាំ ប្រធានាធិបតីសហរដ្ឋអាមេរិក និងឯកឧត្តម អាន់វ៉ា អ៊ីប្រាហ៊ីម នាយករដ្ឋមន្ត្រី នៃប្រទេសម៉ាឡេស៊ី និងជាប្រធានអាស៊ាន​។ ហេីយឃេីញនៅលបណ្តាញសង្គមបានបង្ហោះពាក្យស្លោក​ ស្ងាត់តែមិនស្ងៀម​ ដែលពាក្យស្លោកនេះកំពុងតែល្បីនៅលេីបណ្តាញសង្គម។

ឯកឧត្តម​ ខុន​ ចាន់នី​ បានបន្តថា​ ក្នុងនាមជាពលរដ្ឋខ្មែរ​ និងក្នុងនាមប្រមុខគណបក្សបៃតង​ សូមអបអរសាទរចំពោះការខិតខំប្រឹងប្រែងរបស់រាជរដ្ឋាភិបាលកម្ពុជាក្រោមការដឹកនាំដោយសម្តេចធិបតី​ ហ៊ុន​ ម៉ាណែត​ ដែលទទួលបានជោគជ័យនៅថ្ងៃនេះ។ ដោយឯកឧត្តមបានបញ្ជាក់ថា​ ពាក្យស្លោកស្ងាត់តែមិនស្ងៀម​ គឺជាទ្រឹស្តីរបស់សម្តេចធិបតី​ ហ៊ុន​ ម៉ណែត​ នាយករដ្ឋមន្ត្រីកម្ពុជា។